យុវជនម្នាក់ចូលទិញរថយន្តតម្លៃជិត៣០ម៉ឺនដុល្លារ តែគ្មានលុយឲ្យប្រុងបើករថយន្តចេញត្រូវសមត្ថកិច្ចឃាត់ខ្លួន
28-June-2016 | ដោយ មែន កំសត់
ភ្នំពេញ៖ កម្លាំងអាវុធហត្ថខណ្ឌពោធិ៍សែនជ័យ នៅយប់ថ្ងៃទី២៧ ខែមិថុនា ឆ្នាំ២០១៦នេះ បានចុះទៅឃាត់ខ្លួនជនសង្ស័យម្នាក់ ដែលបានចូលទៅក្នុងក្រុមហ៊ុនលក់រថយន្តម៉ាក P0RSCHE ដែលមានទីតាំងនៅផ្លូវសហពន្ធ័រុស្សី ភូមិតាងួន សង្កាត់កាកាប ខណ្ឌពោធិ៍ជ័យ ក្រោយពីចង់ទិញរថយន្តតម្លៃប្រមាណ៣០ម៉ឺនដុល្លារ តែតាមការពិតគ្មានលុយឲ្យ ហើយចង់បើករថយន្តចេញពីក្រុមហ៊ុន ក៏ត្រូវថៅកែក្រុមហ៊ុនប្តឹងអាវុធហត្ថ ចុះទៅជួយអន្តរាគមន៍តែម្តង។
មន្ត្រីអាវុធហត្ថខណ្ឌពោធិ៍សែនជ័យ បានឲ្យដឹងថា ជនសង្ស័យរូបនេះ ឈ្មោះ ជេត ចន្ថន អាយុ២៤ឆ្នាំ មុខរបរមិនពិតប្រាកដ មានស្រុកកំណើតនៅខេត្តស្វាយរៀង។
មុនពេលកើតហេតុ ជននេះបានចូលទៅសួរទិញឡាន របស់ក្រុមហ៊ុនខាងលើមួយគ្រឿង ក្នុងតម្លៃជិត300000$ ពេលដែលក្រុមហ៊ុន ឲ្យទូទាត់ប្រគល់លុយ បែរជាជននេះថាអត់មានលុយទៅវិញ ប៉ុន្តែជននេះ នូវតែទាមទាយកឡានចេញ ពីក្រុមហ៊ុន ហេីយអង្គុយក្នុងរថយន្តពុំព្រមចុះ។
ថៅកែក្រុមហ៊ុនសង្ស័យថា ជននេះមានសកម្មភាពមិនល្អ ក៏បានបញ្ជាឲ្យសន្តិសុខឃាត់ខ្លួន ហើយរាយការណ៍ប្ដឹងសមត្ថកិច្ច កងរាជអាវុធហត្ថខណ្ឌពោធិ៍សែនជ័យ ឲ្យជួយអន្តរាគមន៍។សម្រាប់ជនសង្ស័យ ត្រូវបានក្រុមហ៊ុនបានប្រគល់អោយសមត្ថកិច្ច ដើម្បីចាត់ការតាមនិតិវិធី៕
ចំនួនអ្នកទស្សនា
- ថ្ងៃនេះ8171
- ម្សិលមិញ14181
- សប្តាហ៍នេះ8171
- ខែនេះ123321
- ឆ្នាំនេះ123321
- សរុប20565777